Við hjá Radio.is tókum okkur til og ræddum við STEF um sífelt hækkandi gjaldskrá þeirra…

Úr bréfi frá STEF :

” Skv. gjaldskrá STEFs eru höfundaréttargjöld fyrir svæðisbundna útvarpsstöð um 35.000 fyrir eina viku, enda sé útvarpsstöðin ekki rekin í hagnaðarskyni.  Við höfum hingað til veitt 25% afslátt til framhaldsskóla þegar haldnir eru tónleikar eða dansleikir á þeirra vegum og erum við tilbúin að veita sama afslátt til framhaldsskólanna af gjaldskránni vegna tímabundinna útvarpsstöðva.  Myndi gjaldið í eina viku þá lækka í u.þ.b. 26.000 kr.   Mun þessi breyting taka þegar í stað gildi.”

Fyrir hönd Nemendafélaga framhaldsskóla, Þakkar Radio.is  STEF þessa ákvörðun.

Í ljósi aðstæðna í þjóðfélaginu þá verður þetta, ásamt fyrirhuguðum gjaldskrár breytingum Radio.is, kærkomin sparnaður fyrir skólafélögin.

Við hjá Radio.is erum að endurnýja góðann hluta af leigu búnaði okkar.  Samfara því erum við að endurskoða gjaldskrá okkar,  Lækka frekar verð heldur enn að gefa háa afslætti.  Það er okkar markmið að vera alltaf með nýlegan og fullkominn búnað, bestu þjónustuna og bestu verðin.  Við viljum því afsaka ef einhver verð á vefsíðu hafa ekki verið uppfærð til samræmis, en bendum jafnframt á að best er að hafa samband og leita tilboða.

Nú á dögunum var opnum samsýning í Geðarsafni. Helga Björg Gylfadóttir leitaði til okkar með þá hugmynd að vilja senda út útvarpsstöð í skipi í um eina klukkustund. Með aðstoð Björgunarsveitar Hafnarfjarðar varð þessi hugmynd að veruleika laugardaginn 11.september síðastliðinn. Er þetta í fyrsta skipti sem Radio.is tekur þátt í útvarpssendingum af skipi. Útsending heppnaðist afar vel.

Radio Phonic hefur sent út á Akureyri í allt sumar. Stöðin var rekin sem liður í sumarstarfi unglinga í bænum. Forsvarsmenn stöðvarinnar hafa verið afar ánægðir með viðtökur bæjarbúa og vilja þeir meina að stöðin hafi fengið vægast sagt mikla hlustun. Við hjá Radio.is þökkum þeim fyrir samstarfið í sumar og erum sannfærðir um að stöðin komi til með að hljóma aftur að ári.

Nú á dögunum festi Útvarp Saga kaup á tveim nýjum útvarpssendum. Báðir sendarnir eru af gerðinni BW Broadcast og eru komnir í fulla notkun á höfuðborgarsvæðinu. Annar sendana leysti út eldri sendi á Sögu sem kominn var til ára sinna. Hinn sendinn ætlar saga að nota til útsendinga á nýrri stöð sem formlega tekur til starfa á næstu dögum. Sú stöð heitir Nálin og kemur til með að senda út á tíðninni 101,5MHz.

Strákarnir í Nýúng á vegum Sjálfsbjargar gerðu sér lítið fyrir og komu sér upp útvarpsstöð sem hóf formlega göngu sýna í dag. þeir senda út á tíðninni 106,5MHz. þið getið kynnst strákunum á www.oryrki.is

Í dag fer félagsmiðstöðin Hólmasel í breiðhollti í loftið. Þeir senda út á tíðninni 103,7MHz. Einnig er hægt að hlusta á vefstraum á síðunni okkar www.radio.is

Borgarholtsskóli bar sigur úr bítum í söngkeppni framhaldsskólanna sem fram fór á Akureyri í gærkvöldi 10.apríl. Radio.is gaf í fyrsta vinning leigu á útvarpsbúnaði svo skólinn geti rekið fullkomna útvarpsstöð í eina viku. Það verður okkur sannur heiður að afhenta skólanum verðlaunin á næstu vikum eða mánuðum.

Síðastliðna vikuna hefur Nemendafélag Fjölbrautar í Garðabæ verið með feikna góða útvarpsstöð. Stöðin var send frá skólanum í Garðabænum og er þetta í fyrsta skipti í lengri tíma sem skólin setur stöð á laggirnar. Það er okkar von að stöðin sé komin til að vera og verði hér eftir árviss viðburður!

Forsvarsmenn MIX FM hafa ákveðið að taka hlé á útsendingum næstu mánuði. Markmið þeirra er að skerpa betur á efni stöðvarinnar og koma enn sterkari á vor eða haust dögum, með nýja og enn betri stöð. Við hjá Radio.is þökkum gott samstarf á undanförnum vikum, og vonum að forsvarsmenn stöðvarinnar kom sterkari og betri á markað seinna á árinu.